Gintugyan na sang Regional Election Director sang Negros Island Region sa Local Government Unit sang ciudad sang Kabankalan kag ciudad sang Himamaylan ang desisyon sa pagbayad sa mga unpaid support staff nga ginhire sa ginapatigayon nga Barangay and Sangguniang Kabataan Elections sang nakaligad nga tuig.
Madumduman nga naghire ang duha ka ciudad sang mga support staff nga wala nagsunod sa direktiba sang Commission on Election (COMELEC).
Suno kay Atty Lionel Marco Castillano tubtob sa karun wala sa gihapon nabayaran ang mga support staff nga ginhire kag ang LGU ang magapangita sang paagi nga mangita sang budget agud nga mabayaran ang mga ginhire.
Suno diri, may yara sang legal opinion nga gindihon ang COMELEC partikular na sa legal staff sang COMELEC-NIR, nga mahimo mabayaran ang unpaid support staff apang ini ang nakadepende sa LGU.
