Suportado sang chairperson sa Committee on Energy and Public Utility sa Bacolod City Council ang inisyatibo sang probinsya sang Negros Occidental sa pagbaylo sa Renewable Energy Source.
Sa interview sang Bombo Radyo Bacolod kay Bacolod City Councilor Claudio Jesus “Kalaw” Puentevella, sa Provincial Energy Summit and LGU Forum, gin-imbetar man si Bacolod City Mayor Alfredo “Albee” Benitez kag ang iya opisina.
Ang plano sang probinsya nga magbaylo sa renewable energy source, ang kaangay man sa plano sang Bacolod City.
Ginpatpat sa aktibidad ang mga bentaha kag disbentaha sa pagbaylo sa renewable energy source.
Ini ang may dako nga benepisyo bangod ang energy source ang nagaserbe sentro sang pagbangod sang ciudad.
Apang panugyan sini nga dapat tun-an kag planuhan sang maayo sang 200 tubtob 300 porsyento ang pagpatuman.
Ginalantaw sini nga kun solar energy na ang power source sa Negros Island, mahimo nga kita naman ang makabaligya sang power supply sa kaiping nga mga probinsya.
Isa sa panugod nga proyekto padulong sa renewable energy system sang ciudad ang pagplastar sang solar panels sa atup sang Bacolod City Government Center.
Sa karun ini ang indi pa operational, apang malapit naman nga ma-activate.
