Pagbisita ni Pope Francis sa Papua New Guinea, nagbilin sang matahum nga mensahe

Nagbilin sang matahum nga mensahe kag inspirasyon ang pagbisita ni Pope Francis sa Papua New Guinea.

Sa interview sang Bombo Radyo Bacolod kay Bombo International News Correspondent Ramon “Monj” Leal Garay, nangin exciting ang pagbisita ni Pope Francis kun sa diin ang presensya sini ang naghatag sang unity sa tanan.

Suno diri, naghatag sang dialogue ang Santo Papa sa mga kaparian, mga madre, mga katekista, kag sa mga pumuluyo.

Para kay Garay, ang pagkakita sini kay Pope Francis ang isa ka experience nga indi gid sini malipatan bangod makatandog balatyagon nga personal nga makita ang Santo Papa.

Pahayag ni Garay, nagbilin sang seryuso kag manami nga mensahe si Pope Francis sa ila nga ila mangin inspirasyon.