Nangin madinalag-on ang pagbisita ni President Ferdinand “Bongbong” Marcos Jr sa ciudad sang Bacolod kahapon, December 12.
Kahapon, una nga ginhapitan sang Presidente ang Mambuloc Creek antes nagpadulong sa Banago Port para sa unveiling sang bag-o nga port passenger terminal upod si Department of Public Works and Highways Secretary Vince Dizon kag iban pa nga opisyales.
Pag-abot sa Mambuloc Creek si Marcos ang ginsugata man nanday Bacolod City Mayor Greg Gasataya, Congressman Alfredo “Albee” Benitez kasubong man ni Baragay 2 Punong Barangay Imelda Banguangga.
Kadungan sini nagpatigayon sang makadali nga meet and greet sa mga nagbantay nga pumuluyo.
Kasunod sini, gintsekyar nila ang progress sang Oplan Kontra Baha operations, kun sa diin siya ang ginbriefing man sang alkalde.
Yara sa Mambuloc Creek ang isa ka amphibious dredger kag isa ka regular nga backhoe.
Ginpadulungan man sini ang Bag-o nga Banago port kun sa diin ginpahayag sang Presidente nga design sang pantalan ang mangin desinyo nga sundon para mga pantalan sa bug-os nga Pilipinas.
Kadungan sang pagbisita sang presidente, ginpresentar man ang shuttle service nga magadul-ong sa mga pasahero sang barko gikan sa bag-o nga Banago Port Passenger Terminal padulong sa sakyan nga barko.
Samtang ginsuguran man kahapon ang pay-out sang 677 ka pamilya nga totally damage ang balay bangud sa Bagyo Tino.
