Wala sang may narekord nga untoward incident nga nagluntad sa probinsya sang Negros Occidental sa pagbisita ni President Ferdinand ‘Bongbong’ Marcos Jr sang Biyernes.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office (NOCPPO), tatlo ka lugar ang ginpadulongan sang presidente nga ginalakipan sang ciudad sang La Carlota, Talisay kag Victorias.
Suno diri, kapin sa 1,600 ka mga police personnel ang gindeploy sa tanan nga venue nga ginpadulongan sang presidente.
Ang ginpangdeploy ang ginalakipan sang Highway Patrol Group, Bacolod City Police Office ag mga personnel naggikan sa La Carlota, Talisay kag Victorias.
Nagapasalamat si Catalogo nga nangin maayo ang tiyempo nga wala naapektohan ang mga aktibidad sang presidente.
Pahayag sini, timprano pa ginpreparahan ang pag-abot ni Marcos kun sa diin bisan may kabudlayan, nahimo sa gihapon nga ma-address tanan.
