Ginpahayag ni Democrat Kamala Harris sa atubang sang linibo nga mga pumuluyo nga nagatipon sa Washington sang Martes nga ang pagpili sa tunga sini kag ni Republican opponent Donald Trump ang pagpili sa tunga sang kahilwayan kag kagamo.
Si Harris ang naghambal sa isa ka outdoor rally sa atubang sang masobra 75,000 ka mga persona sa isa ka site malapit sa White House kun sa diin sang Enero 6, 2021, gin-address ni Trump ang iya mga supporters antes nag-atake ang mga ini sa US Capitol.
Kapin 51 million Americans ang nagboto na sa Eleksyon suno sa Election Hub sa University of Florida, sa isa ka battle nga magadesisyon kun sin-o ang magapamuno sa pinakamanggaranon kag pinaka-makagagahom nga pungsod sa sulod sang apat ka tuig.
Ginatagaliog sa karun ang mga kandidato sa pito ka mga battleground states nga magadesisyon sang Eleksyon.
