Suportado ni President Ferdinand “Bongbong” Marcos Jr. ang hagna nga buksan sa publiko ang bicameral conference committee (BICAM) sa deliberations sang 2026 proposed National Budget.
Suno kay Palace Press Officer Undersecretary Claire Castro, luyag ni President Marcos nga himuon nga transparent ang deliberasyon kag mapakita sa mga pumuluyo nga wala nagakadto sa wala ukon nagakaubos ang pondo sang gobyerno.
Sa iya State of the Nation Address, nagpaandam ini nga handa sini nga i-veto ang hagna nga 2026 national budget kun may makit-an ini nga anomaliya.
Suno kay Castro, seryoso ang Presidente sa pagveto sa 2026 proposed budget kun magapadayon ang mga iregularidad sa pondo.
Dugang pa sini nga ginpangabudlayan kag nag-agi sa maid-id nga deliberasyon ang 2026 budget kag indi mahapos ang magdihon sang budget para sa National Expenditure Program.
Ginpunto man ni Castro nga indi dapat pag-abusuhon ang power of purse sang Kongreso.
