Nagatutok ang City Government sang Bacolod kun paano hilway nga mabuksan ang ekonomiya.
Suno kay Bacolod City Administrator Em Legaspi – Ang, luyag sang mga ini nga sa pagbukas sang ekonomiya mangin hilway ini para sa mga pumuluyo, ilabi na sa mga trabahante.
Kabahin man ang ginapatuman nga BaC-Trac system kag ang ginpatigayon nga Surveillance Testing sa tikang sang ciudad sa pagpabalik sang trabaho kag iban pa nga naka-andan nga aktibidad.
Pahayag ni Ang nga daku nga butang nga may ginapatuman nga intervention kag nakahibalo na ang mga ini kun ano ang dapat bantayan sa tion nga may magluntad nga outbreak.
Bangod naman sa adlaw-adlaw nga pagtuon sang Emergency Operation Center (EOC) nakatukod na sang “in place” nga pagsulundan kag proseso kasubong man kun paano himuon kag ma-implement ang mga ini.
Bangod sa madinaugon nga pagpakigbato sang Bacolod sa COVID-19, naga Benchmark visit naman ang iban nga local government units (LGU) gikan sa probinysa sang Negros Occidental kadungan sang mga representante nagikan sa Aklan kag Capiz agud nga tun-an ang operasyon sang EOC kadungan sa pag-implementar sang BaC-Trac.
Ika-12 naman sa mga LGU sang probinsya nga nagbench mark visit amo ang Talisay City, kag may mga naka-eskedyul pa para sa masunod nga semana.
