Gin-istoryahan sang mga local government units sa probinsya sang Negros Occidental kun paano magbuligay sa tion nga may kalamidad nga mag-igo sa isa ka banwa ukon ciudad.
Ini ang kadungan sang Disaster Risk Reduction and Management Summit nga ginapatigayon sang tanan nga local disaster risk reduction and management officers sa mga kabanwahanan kag kaciudaran sa probinsya halin Hulyo 26 tubtub 28.
Suno kay Dr. Zeaphard Gerhart Caelian, pinuno sang Provincial Disaster Management Program Division, may DRRM Summit sa sulod sang tatlo ka adlaw para sa One Negros Response Plan kun sa diin magabuligay ang mga LGUs kun may yara sang respondehan.
Nag-istoryahanay man kun paano magabuligay kun kinahanglan nga may respondehan nga natural disaster.
Ginpasalig naman ni Caelian nga may yara sang trained responders nang probinsya.
Suno kay Caelian, kinahanglan ang individual preparation bangud indi mapaktan ang linog kaangay sang natabo kahapon sa probinsya sang Abra.
Masami man nga ginapahanumdom ang duck, cover and hold nga amo ang nagakadapat nga himuon sa tion nga maglinog bangud indi dapat nga magpanic ang mga pumuluyo agud nga yara ang presence of mind kag makahibalo kun ano ang maayo nga himuon.
