Ginalauman ang isa ka competitive duel sa tunga sanday coach Chot Reyes kag Tim Cone sa pag-atubanganay sang TNT Tropang Giga kag Barangay Ginebra San Miguel sa PBA Governors’ Cup.
Suno kay Reyes, isa ka interesting nga hampang ang lauman sa paghatag nila sang ila best sa pagcompete batok sa team ni Cone.
Ang duha ka mga coaches ang nangin coaching partners kag rivals humalin sang 1990s.
Gin-assist ni Reyes si Cone sa stint sini sa Alaska antes nangin head coach.
Sang tuig 2023, si Cone naman ang nag-assist kay Reyes sang siya ang nangin chief tactician sang Gilas Pilipinas.
Suno kay Cone, isa ka maayo nga coach si Reyes sang nag-upod sila nga duha sa Gilas.
Si Reyes kag Cone ang may gin-combine nga 11 PBA Press Corps Coach of the Year award kag sila ang maga-atubangay sa PBA finals sa ikapito nga kahigayunan.
