-- ADVERTISEMENT --
Nagtuga sang malaba nga trapiko sa Bacolod-Negros Occidental Economic Highway (BANOCEH) matapos nga duha ka trucking nga may karga nga tubo ang nagbunggu-anay.
Sa interview sang Bombo Radyo Bacolod kay Police Executive Master Sergeant Rodney Tiania, Deputy Head sang Bacolod City Police Office-Traffic Enforcement Unit, ang isa ka trucking halin sa sur padulong sa norte samtang ang isa ang halin sa nasidlangan sang Bacolod City kag magaliko kuntani sa intersection sa BANOCEH.
Suno kay Tiania, ang trucking nga padulong sa norte ang nadulaan sang preno kun sa diin nagresulta sa pagkabunggo sa nagaliko nga trucking nga may dala man nga tubo.
Suno diri, wala man sang nasamaran sa nagluntad nga aksidente.
