Ginakabig nga maayo nga tikang sang tagpamaba sang Bacolod City Police Office (BCPO) ang pagbasura sang padrino system sa mga naga-apply sa Philippine National Police (PNP) agud mangin patas ang pagproseso.
Sa interview sang Bombo Radyo Bacolod kay Police Major Sherlock Gabana, ginpahayag sini nga maayo kun standardized ang paghire sang mga luyag nga magsulod sa PNP.
Suno kay Gabana, may yara naman sang ginapatuman nga point system ang PNP para sa mga naga apply samtang online system naman ang aplikasyon, nga nagaderecho na sa regional office sang PNP
Dugang pa sini nga wala naman ginahonor ang mga backer.
Suno kay Gabana, dako man nga bulig ang pagdiscourage sa padrino system agud mapanami pa ang serbisyo sang mga kapulisan kag mangin patas ang pagrecruite sa mga police.
Ginpahayag man ni Gabana nga indi man malikawan nga nagabag o ang pamatasan sang tawo kag iban sa mga ini ang nagakasilaw sa gahom.
Nagpanugyan man ini sa mga luyag nga magsulod sa organisasyon nga samtang estudyante palang kaayuhon na ang performance ilabi na sa academics kag siguruhon nga manami kag matinlo ang background, agud nga maseguro nga nakahanda na sa tion nga mag-apply.
Sa tion nga makakuha sang eligibility kun may mataas nga ratings, magadako man ang chansa nga ini ang marecruit.
