Ginaduso ni Bacolod City Mayor Alfredo Benitez ang pagbutang sang dugang nga closed circuit television cameras sa syudad sang Bacolod.
Sa press conference, ginpahayag sang alkalde nga luyag sini ang madasig nga response time sa mga krimen, kalamidad kag iban pa.
Suno sa alkalde, sa idugang nga CCTV, makita ang itsura sang tawo, plate number sang salakyan sa tion nga imbolbado sa hit and run nga kaso kag iban pa.
Ginaplano man sang syudad nga magpatukod sang bag-o nga command center kag ginalantaw sang alkalde nga mapatuman subong nga tuig.
Sa karun,may 85 na ka CCTV camera sa syudad kag yara sa old city hall ang command center apang suno sa alkalde ini tanan nga critical areas ang covered sang CCTVs.
Ginpahayag man ni Benitez nga sang tinalikdan nga semana, iya na istorya si BCPO Director Col Thomas Joseph Martir nga magaretiro na sa Mayo kag luyag sini nga pagatutukan sang mabulos ang unsolved crimes sa syudad.
