Nagtakop na ang byahe ni US Secretary of State Antony Blinken sa Middle East agud magbroker sang isa ka ceasefire deal sa Gaza kag nagbiya na sa rehiyon sang Martes apang mabudlay sa gihapon malab-ot ang isa ka agreement sa tunga sang Israel kag Hamas.
Si Blinken kag ang mga mediators nagikan sa Egypt kag Qatar ang nagakuha sang paglaom sag isa ka “bridging proposal” nga may tinutuyo nga mapagamay ang gaps sa tunga sang duha ka bahin sa napulo ka bulan na nga gyera matapos nga nauntat ang negosasyon sang tinalikdan nga semana nga wala sang breakthrough.
Suno kay Blinken, dapat nga matigayon ang deal kag ini ang mangin posible agud nga malab-ot ang finish line.
Suno sa isa ka senior Biden administration official nga nagbyahe kaupod kay Blinken ang nagpahayag nga ginalauman sang Estados Unidos nga magapadayon ang ceasefire talks subong nga semana.
