Iga-implementa na sa Pebrero ang pagdakop sa mga naga-illegal dumping sa ciudad sang Bacolod.
Sa interview sang Bombo Radyo kay Councilor Homer Bais, chairman sang Committee on Environment and Ecology sa Sangguniang Panlungsod sa ciudad sang Bacolod, sa karun yara pa sa transition period ang International Solid Waste Integrated Management Specialists Inc. (ISWIM) amo nga ginahatag pa sang ciudad ang ligwa sa illegal dumping.
Liwat sini nga gin-abisohan ang mga pumuluyo nga indi maghaboy kun wala na santo sa schedule sa paghakot sang basura.
Kun kaisa may insidente pa nga kun may ginasaway sila, ginasabat pa sila sang mga tawo.
Sa karun, nakumpleto na ang tanan nga truck sang ISWIM apang ginahulat pa ang pag-abot sang garbage bins nga tuyo ihamtang sa mga merkado sa ciudad.
Pahayag ni Bais, dako ang paglaum nila sa ISWIM santo man sa mga report sang garbage hauler sa ila nga operation sa iban nga lugar.
