Gin-postpone ang pagpanakop sa mga nagbyahe sang electronic bikes kag tricycles (e-bikes, e-trikes) sa national road.
Madumduman nga maumpisa kuntani subong nga adlaw, Disyembre 1 ang pagpanakop sa tanan nga nagabyahe sang e-bikes kag e-trikes sa main thoroughfares suno sa Land Transportation Office (LTO).
Sa interview sang Bombo Radyo Bacolod kay LTO-Negros Island Region Director Jeck Conlu, bangod subong nga bulan mapatigayon sila anay sang information dissemination agud mapahibalo kun ano ang mga dapat kag indi dapat nga himoon.
Suno diri, kun ang e-bikes kag e-trikes nagadalagan sang 50kph ukon may 500 watts nga battery, dapat naparehistro ini kasubong man nga dapat may drivers license ang nagadrive.
Pahayag ni Conlu, natalana nga iimplementar ang pagpanakop sa mga e-bikes kag e-trikes nga nagabyahe sa national road sa Enero 2, 2026.
