Nagpagwa sang statement ang alkalde sang syudad matapos nga makuha ang Most Competitive City sa Visayas sa 2020.
Nahibaluan nga ang Bacolod City ang most competitive city sa Visayas, santo sa data nga ginpagwa sang National Competitiveness Council (NCC), nga gin-assist sang United States Agency for International Development (USAID), sa 2020 Cities and Municipalities Competitiveness Index (CMCI), sa tuigan nga ranking sa mga syudad kag banwa sang Pilipinas.
Suno sa alkalde ang ranking ang ginbase sa four pillars for governmental competitiveness: Economic Dynamism, Government Efficiency, Infrastructure, and Resiliency.
Ang Top 20 most competitive cities ang ginpangunahan sang Manila, Davao, kag Pasay, samtang nakuha naman sang Bacolod ika-11 nga pwesto sa ranking.
Ini ang nagakahulugan nga ang Bacolod ang yara sa mataas nga ranking Iloilo kag Cebu, matapos nga makuha 12th and 13th rank.
Suno sa ginpagwa nga pahayag sang alkalde, isa ini sa pinakadako nga pampabatak sang morale matapos nga nagapadayon ang syudad sa pagkuha sang rank sa mga most competitive cities sa pungsod sa pihak sang seryoso nga krisis nga ila gin-agihan sa pagpakigbato batok sa COVID-19.
Ini ang nagahatag sang rason sa syudad nga mangin optimistic sa tion nga matapos na ang krisis nga mahimo nga mabalik liwat ang Bacolod sa track kag magapadayon sang pagumwad nga ginaenjoy sadto antes paman ginpiang sang pandemia ang ekonomiya.
