Ginpaboran sang representative sang 5th District sang Negros Occidental ang pagdeklarar sang Sugar Regulatory Administration (SRA) nga class “B” ukon Domestic Sugar ang tanan nga kalamay sini nga 2025-2026 crop year.
Sa interview sang Bombo Radyo Bacolod kay Congressman Atty. Dino Yulo, maayo ini nga tikang bangud nagakadapat lang nga sufficient ang domestic supply para sa domestic demand.
Suno pa kay Atty. Yulo nga importante nga aton ini mabalanse ang dynamics sang agrikultura kag indi na magsalig pa sa imported sugars.
Suno diri, ang mga gina-export amo ang class A sugar.
Ginpahayag sang kongresista nga OK lang nga mag-import sang kalamay apang sa nagakaigo lang nga kadamuon kag bantaon nga indi man maapektuhan ang mga sugar farmers sa probinsya.
Samtang nagpasalig man si Yulo nga ipadangat sini ang mga concers sang sugar farmers sa probinsya sa national government.
