Ginkalipay sang defense team ni Vice President Sara Duterte ang nangin desisyon sang Korte Suprema nga nagadeklarar sa mga articles of impeachment batok sa iya bilang unconstitutional.
Suno sa official statement sang iya defense team, ang desisyon sang Korte Suprema ang nagapabakod sang ila pagpati nga ang ikaapat nga reklamo nga impeachment ang may paglapas sa one-year ban nga gintalana sang Article XI, Section 3(5) sang 1987 Konstitusyon.
Suno diri, ang unanimous decision ang indi lamang kadalag-an para sa Bise Presidente, kundi isa man ka pagpakusog sa rule of law kag pagpaandam batok sa sala nga paggamit sang proseso sang impeachment.
Ginpasiguro sang grupo nga handa sila nga sabton ang maskin ano nga alegasyon sa insakto nga tiyempo kag nagakadapat nga forum.
