Ginpasiguro sang alkalde sang Victorias City, Negros Occidental nga proteksyunan ang hog industry sa ciudad kasunod sang narekord nga duha ka kaso sang African Swine Fever.
Ini ang ginalakipan sang siyam ka mga baboy, pito diri ang gikan sa banwa sang Hinigaran nga gindala sa Victorias Milling Corporation kag ang duha ang nagikan sa Barangay 5 sa nasambit nga syudad.
Sa interview kay Mayor Javi Benitez, igadisinfect man ang tanan nga mga baboyan sa ciudad nga infected na sang ASF samtang ginpasiguro man sini nga ginpa-insure na sini sa Philippine Crop Insurance Corporation (PCIC) ang 90 percent sang 1,584 ka mga baboy sa ciudad samtang ang 10 percent ang ginalantaw nga kuhaan sang insurance sang city government.
Ginalantaw man sang alkalde nga magadeklarar sang state of calamity bangud sa ASF.
Sa karun nagdeploy na ang ciudad sang Victorias agud nga magpatuman sang mas hugot nga biosecurity sang ciudad.
Ginaengganyo man sini ang iban nga local government units nga indi na pagtaguon kun may yara sang nagpositibo nga baboy sa ASF matapos ang testing sa ila nga lugar agud nga mapatuman na ang nagakadapat nga mga protocols batok sa nasambit nga balatian sang sapat.
