Pagdesisyon nga isuspend ang face to face classes kag pagpatuman sang alternative study modes, ginatugyan na ni Bacolod City Mayor Albee Benitez sa mga school heads

Ginatugyan na ni Bacolod City Mayor Albee Benitez sa mga school heads ang desisyon sa pagsuspend sang face to face classes kag pagpatuman sang alternative study modes.

Ginpost sang alkalde sa iya facebook page ang memorandum nga ginpagwa sang Department of Education (DepEd) diin nakasaad diri ang guidelines sa pagkansela ukon suspend sang klase bangud sa mataas nga temperatura ukon tuman ka init nga panahon.

Ang DepEd ang mismo naghatag sang otoridad sa mga school heads nga magdesisyon sa class suspension ukon padayunon ang face-to-face classes ukon magshift nalang sa Alternative Delivery Modes (ADM).