Ginmarkahan sang Alliance of Concerned Teachers (ACT) ang pagsugod sang National Teachers’ Month paagi sa pagduso sa mga mamalidha nga aprubahan ang isa ka substantial salary increase kag pagdoble sang budget sang Department of Education kadungan sang pagsugod sang Kongreso sang deliberations para sa 2026 allocation.
Nagpabutyag man ang grupo sang pagkaalarma natuhoy sa ginlaragway nila nga pagpabaya sang Marcos administration sa proposed 2026 education budget, ang wala masolbar nga kakulang sa classrooms, teachers, education support personnel kag minilyon nga textbooks kag learning materials.
Nagpromisa ang ACT nga isustiner ang mass actions sa bilog nga National Teachers’ Month, nga ginaculminate paagi sa nationwide protests sa World Teacher’s Day sa Oktubre 5.
