Nagpanawagan ang project superintendent sang isa ka construction firm nga nagatukod sang mga school buildings paagi sa mga private donations nga bululigan ang pag-address sa classroom shortage sa Pilipinas.
Sa interview sang Bombo Radyo Bacolod kay Dannyl Yap, sila ang nagaconstruct sang mga school buildings nationwide.
Ini ang nagaserbe nila nga bulig sa gobyerno, kag sa mga buluthuan nga ginakulang sang classrooms.
Ang ila nga standard school buildings nga ginatukod ang 7×7 feet ang kadakuon nga matukod na sa budget nga P700,000.
Ini ang may duha na ka classrooms, duha ka CR nga nakatiles, may grills na ang bintana kag lakip naman diri ang installation sang kuryente kag tubig.
Ang Department of Public Works and Highways, nga amo sa karun ang nagatukod sang mga tandard nga school building ang nagagamit sang standard size nga 7×9 kag nagablor sang P2.4 million.
Suno kay Yap, sila ang nakadepende lamang sa donasyon, apang kun maalwan ang donor kag may dugang nga budget, ginaseguro man nila nga mas matahom kag kalidad ang pagtukod sang school building.
Sa P700,000 nga budget, wala pa nakakisame ang building, kag sila ang nagagamit lamang sang insulation.
Sa P2.5 million nga budget, sila ang makatukod na sang anom ka classroom.
Sa masami, ang ila proyekto ang ginatukod para sa mga kindergarten.
Suno kay Yap, nagapati ini nga pinaagi sa ila ginahimo, amat-amat nga nagakabuhinan ang backlog sa classrooms sa Pilipinas.
Panawagan ni Yap sa iban, nga mag-upod man sa inisyatibo kag magdonar kun may ikasarang.
Ang pagdonar, ang indi lamang makabulig sa madamo nga mga estudyante, makahatag man sang trabaho.
