Pagasuportahan ni Negros Occidental Governor Eugenio Jose “Bong” Lacson ang pahayag sang militar nga dulaon na nila ang tradisyunal nga holiday ceasefire sa mga rebelde nga grupo.
Madumduman nga ginpahayag ni Armed Forces of the Philippines spokesperson Maj. Gen. Edgard Arevalo nga indi pag-irekomendar sang militar ang deklarasyon sang suspensyon sang military operations sa New People’s Army kay Presidente Rodrigo Duterte bangud sa kakulang sang sinseridad sa makawala nga grupo.
Suno kay Lacson, suportahan niya ang pahayag sang militar bangud nga iya man nagakatalupangdan nga bisan may yara sang ceasefire kun holiday season, may nagakatabo man sa gihapon nga engkwentro.
Ginatugyan na lamang sini sa AFP ang desisyon bangud nakahibalo siya nga para sa ikaayo sang tanan ang pagahimuon sang tropa sang gobyerno.
