Istriktuhon na ang pagdumili sang pagrefill sang butane sa Barangay Banago, ciudad sang bacolod agud malikawan ang katalagman nga dulot sini.
Sa interview sang Bombo Radyo kay Kagawad Arnold Braza Jr., Barangay Kagawad sang Banago, subong nga bag-ong tuig, ipatuman na ang pagdumili sa pag-refill sang mga butane.
Suno kay Braza, nag-coordinate na sila sa City Legal Officre agud nga mapadasig ang pag-inplementar ukon ma-aksyonon gilayon.
Panawagan sini sang mga pumuluyo nga likawan ang mga butang nga posible nga magatuga sang sunog kaangay sang butane ilabi na nga ang nasambit nga Barangay ang masami nga dalakpon sang sunog.
Madumduman nga nagresulta sang pagkasamad sang duha ka bata matapos nga magluntad ang sunog sa nasambit nga barangay sang Disyembre 31, 2025 kag gina-alegar nga nagikan sa naglupok nga butane ang rason sini.
