Ginalantaw sang political analyst nga depensa ni Atty. Manases Carpio, sa impeachment complaint nga ginapangatubang sang iya asawa nga si Vice President Sara Duterte ang pagfile sini sang criminal complaints batok sa mga opisyales sang Bangko Sentral ng Pilipinas (BSP), Anti-Money Laundering Council (AMLC), kag pila ka miyembro sang House Justice Committee.
Kaina sang aga, nagfile si Atty Carpio sang complaints sa Quezon City Prosecutors Office batok kanday BSP Governor Eli Remolona Jr., AMLC Executive Director Ronel Buenaventura, kag House Committee on Justice members Rep. Percival Cendania, Chel Diokno kag Leila de Lima. Sa interview sang Bombo Radyo Bacolod kay Atty Jomax Ortiz.
Ini angot sa pagpagwa sang mga sensitibo nga banking records sa Impeachment hearing nga suno diri, paglapas sa Anti-Money Laundering Act, Bank Secrecy Law, kag Data Privacy Act.
Suno kay Atty Ortiz, kinamatarong man ni Atty Carpio nga magfile sang reklamo, apang ini ang ginalantaw niya nga depensa sa impeachment complaints batok sa iya asawa.
Suno diri, ang AMLC ang nagpresentar sang mga bank records sa BSP, kag ini naman ang ginpresentar sa House Justice Committee hearing.
Apang aminado si Atty Ortiz nga malawigan pa ang reklamo bangod ini ang tun-an pa sa Prosecutor’s Office, antes madesisyonan kun ipasaka sa korte.// Sa pihak sini, magapadayun ang impeachment hearing batok kay VP Sara.
Nagapati si Ortiz nga matapos ang impeachment hearing angot sa mga gina-alegaar threats nga ginbuy-an ni VP Sara sa Abril 29, ideklarar na gilayon sang mga miyembro ang sufficiency in form and substance.
Sa pagsaka sa plenaryo, maathag na suno kay Ortiz nga ini ang makakuha sang majority votes, kag mahimo nga sa Mayo masuguran naman ang trial.
