Ginapanumduman sang pila ka mga kongresista ang ikatatlo nga impeachment complaint batok kay Vice President Sara Duterte suno kay House Secretary General Reginald Velasco.
Nagpanginwala ini nga maghatag sang dugang nga detalye apang ginpahayag nga siya ang ginpahibalo sang posibilidad sang bag-o nga complaint nga iga-file sa masunod nga semana.
Suno diri, sila ang ginpahibalo nga magstandby lang bangud posible nga may magafile sang dugang nga complaint gani ila ginarespeto ang desisyon sang mga ini.
Indi naman mabuyagyag ni Velasco ang dugang nga detalye natuhoy diri bangud ini ang magapabilin nga confidential tubtob nga mag-endorse na ukon mafile ang complaint.
Target sang Office of the House Secretary General nga itrasmit sa masunod nga semana ang tanan nga impeachment complaints nga ginfile batok kay Duterte sa Office of House Speaker Martin Romualdez, agud malakip sa Order of Business sang House plenary.
