Nangin layi na ang hagna nga pauntaton ang paggamit sang mother tongue bilang lengguahe sa pagtudlo sa Kindergarten tubtob sa Grade 3.
Ini matapos nga mag-lapse into law ang hagna bangud wala ini ginpirmahan ni President Ferdinand Marcos Jr., 30 ka adlaw humalin sang mabaton ini sang iya opisina.
Sa idalom sang bag-o nga layi ukon ang Republic Act 12027 (Act Discontinuing the Use of Mother Tongue as Medium of Instruction), ang lenguahe nga ginagamit sa pagtudlo ang ibalik sa Pilipino kag English samtang ang mother tongue naman ang magaserbe naman nga auxiliary media of instruction.
Nakasaad sa Section 2 sang layi, mahimo nga gamiton ang mother tongue-based multilingual education sa monolingual classes kalakip ang pila ka mga requirement kaangay sang monolingual class amo ang ginabug-usan sang mga pupils nga may pareho nga mother tongue kag naka-enrol sa pareho nga grade level sa nasambit nga school year.
Ang department of Education ang dapat nga magdihon sang language mapping policy sa sulod sang isa ka tuig humalin sang mangin epektibo ang layi ini matapos magkonsulta ang ahensya sa Komisyon sa Wikang Filipino (KWF).
