Paga-imbestigaran kun nakasanto sa guidelines sang Bureau of Jail Management and Penology (BJMP) ang paggamit sang tear gas kag rubber bullets batok sa mga persons deprived of liberty (PDL) nga nagpatigayon sang noise barrage kahapon sa Negros Occidental District Jail.
Suno kay Jail Senior Inspector Juniven Umadhay, spokesperson sang BJMP – Negros Island Region, may yara sang guidelines ang BJMP sa paggamit sang tear gas kag rubber bullets sa tion sang emerhensya.
Suno diri, pagalantawon kun nagasunod sa guidelines ang paggamit sang tear gas kag rubber bullets.
Wala naman sang may narekord nga napilasan sa bahin sang PDLs kasubong man sa personnel sang NODJ.
Pahayag ni Umadhay ang tanan nga complaints ang ginbaton nila kag ini ang ila tun-an kun nasanto sa layi.
