Wala sang bag-o nga agreement kaangot sa pagpahanugot sa Ukraine nga maggamit sang long-range missiles nagikan sa Western agud nga targeton ang sulod sang Russia matapos ang nangin paghinun-anon sa tunga nanday US President Joe Biden kag UK Prime Minister Keir Starmer sa ginpatigayon nga foreign policy summit sa White House sang Biyernes.
Ini ang ginkumpirmar sang UK Prime Minister sang ini ang ginpamangkot kun ginconvince niya si Biden nga pahanugutan ang Ukraine nga magrelease sang long range Storm Shadow missiles sa Russia.
Suno diri, nagestoryahanay sila sang malawig kag productive sa pila ka mga topiko kalakip na ang Ukraine, Middle East kag Indo-Pacific apang wala sang desisyon kaangot sa topiko sa paggamit sang nasambit nga weapon.
Sa bahin naman sang White House, nagpahayag ini sang tuman nga kahangawa sa paghatag sang Iran kag North Korea sang lethal weapons sa Russia.
Una na nga nagpaandam si Russian Presidente Vladimir Putin nitong Biyernes sa Western nations sa posibleng giyera kapag hinayaan ang Ukraine na gamitin ang long-range missiles laban sa Russia.
Suno kay Putin ang nasambit nga tikang ang nagapakita sang direkta nga partisipasyon sang NATO sa Ukraine war.
Una diri, makapila man nga ginengganyo sang Ukraine ang UK kag US nga pahanugutan nga gamiton ang long-range missiles batok sa mga target sa sulod sang Russia.
