Nagapati ang kilala nga political analyst nga may madalom nga rason sa pagresign ni Senate President Pro Tempore Panfilo Lacson bilang Senate Blue Ribbon Committee Chairman sa hearing sa corruption sa flood control projects.
Sa interview sang Bombo Radyo kay Atty Jomax Ortiz, ginbuslan ni Lacson si Senator Rodante Marcoleta bangod sa isyu nga may kaangtanan ang iya asawa sa mag-asawa nga Discaya.
Suno diri, kagamo na sang isyu sa korapsyon kag kun ano man ang rason ni Lacson sa pagresign bilang Blue Ribbon Committee Chairman may yara gid sang madalom nga rason kag ini respetohon na lamang.
Mahimo suno kay Ortiz nga ang rason amo nga na-pressure ini nga ipatawag sanday former House Speaker Martin Romualdez kag ex-Congressman Zaldy Co.
Pahayag sang abogado, bulubantayan naman sa karun kun sin-o ang mangin bag-o nga Chairman sang Blue Ribbon Committee Chairman sa pagresume sang hearing.
Apang, bangod nga suspend sa karun ang hearing, nagapati si Ortiz nga may ginaplano na nga islan si Senate President Tito Sotto agud mapapauli diri sa Pilipinas sanday Romualdez kag Co.
Samtang, para sa iya competent nga magbulos kay Lacson amo si Senator Francis Pangilinan.
