Ginakalipay sang Station Commander sa Bacolod Police Station 1 ang nangin madinalag-on nga paghanduraw sa ika-124 nga anibersaryo sang Philippine Independence sa Bacolod City Public Plaza kahapon.
Sa interview sang Bombo Radyo Bacolod kay Police Major Elmer Bonilla, ginkakibot bisan ni Bacolod City Mayor Alfredo “Albee” Benitez ang kadamuon sang mga nagtambong sa nasambitan nga selebrasyon.
Suno diri ang aktibidad ang ginpasakupan sang nagkalainlain nga organisasyon, mga eskwelahan, kalakip na ang boyscout, mga suldado kag iban pa nga mga volunteers gani nagdangat sa 7,000 ang mga nagpartisipar sa programa.Ang parada ang gin-umpisahan sa Lupit Chrch tubtob sa SM Bacolod bridge.
Ginapakamaayo ni Bonilla nga nangin madinalag-on ang aktibidad kag nabantayan sang husto ang seguridad gani wala sang nagluntad nga malain nga mga hitabo.
Suno diri, nakibot si Benitez bangod karun lang ini nakahanduraw sang Philippines Independence Day sa Bacolod City kag bisan sang siya ang kongresista pa, wala paman ini naka-eksperyensya nga kaangay ang kadamuon sang mga partisipante.
Mismo ang syudad amo ang nag-organisar sang parade samtang ang kapulisan kag militar ang nagserbe sang mayor nga partisipasyon kaangat sa flag raising.
