Welcome development para sa Alliance of Concerned Consumer in Electricity and Social Services (ACCESS) ang paggrant sang Energy Regulatory Commission (ERC) sang Certificate of Public Convenience and Necessity (CPCN) para sa Negros Electric and Power Corporation (NEPC).
Sa interview sang Bombo Radyo Bacolod kay ACCESS President Wennie Sancho, ang ACCESS ang ginhugpon nga 16 ka multi-sectoral organization nga lunsay nagakonsumo sang kuryente gikan sa Negros Power.
Ginakalipay sang mga ini ang paghatag sang CPCN bangod pinaagi sini matake-over na sang Negros Power ang tanan nga equipment kag facilities sang Central Negros Electric Cooperative (CENECO).
Paathag ni Sancho nga sang wala pa sang CPCN kaangay nga nahigtan ang Negros Power bangod kada hulag sang mga ini ang magakinahanglan pa sang approval gikan sa CENECO bangod sila ang yara pa lamang sa cooperative agreement.
Suno diri, indi maayo maka-operar sang basta-basta sang tinalikdan ang Negros Power bangod sa restrictions nga nagresulta sa medyo madugay nga response kag restoration time.
Ang paghatag sang CPCN ang nagaserbe na nga legal nga basihan nga sila ang may-ara na sang full-authority.// Nagapati si Sancho nga bangod sa CPCN, ma-implementar na ang rehabilitation kag standardization sang mga equipments kag infrastruction.
Paathag sini nga ang rehabilitation and standardization, ang first stage pa lamang sang 5-year development plan sang Negros Power.
Panawagan na lamang sini sa mga konsumedor nga magkooperar sa power distribution utility.
Plano man sang ACCESS nga magpagwa sang weekly newsletter nga magapaathag sa mga aktibidad sang Negrow Power agud mas mahangpan sang mga konsumedor.
