Pagatun-an pa sang Board of Pardons and Parole ang paghatag sang executive clemenecy kay Mary Jane Veloso, nga dutayan na lamang kuntani nga bitayon sa Indonesia bangud sa drug trafficking antes maghimo sang kaangay nga rekomendasyon kay President Ferdinand Marcos Jr., suno sa Department of Justice.
Ini ang ginpahayag ni Justice Undersecretary Jesse Andres matapos nga ginpahayag ni Marcos nga kinahanglan pa nga i-assess sang mga legal experts kun mahatagan sang clemency si Veloso.
Suno kay Andres, insakto ang Presidente nga may yara sang rules kag layi nga dapat sundon.
Suno diri, dapat maghimo sang proper evaluation ang Board of Pardons and Parole kag may yara sang isa ka rekomendasyon agud ini ang ma-elevate sa Presidente antes ini maghatag sang executive clemency ukon pardon.
Suno kay Andres, ang evaluation ang isa ka malawig nga proseso nga indi dapta pagdalion ilabi na nga ginapadayon lamang sang gobyerno ang prison sentence ni Veloso sa Pilipinas matapos siya ang ginsaylo nagikan sa Indonesia.
