Paghatag sang financial assistance sa mga biktima sang Bagyo TINO sa La Castellana, pagatun-an pa bangod sa kadamuon sang apektado

Pagatun-an pa sang Local Government Unit sang banwa sang La Castellana ang paghatag sang financial assistance bangod tuman kadamo sang mga pumuluyo nga apektado sang bagyo Tino.

Sa interview sang Bombo Radyo Bacolod kay Mayor Añejo Nicor, nagapasalamat ini sa P10 million nga financial assistance nga nabaton sang banwa apang mapatawag pa ini sang meeting agud matun-an kun paano matunga ang budget.

Suno diri, masobra sa 19,000 ka mga balay ang naguba sang naglaslas ang bagyo kag nagdangat sa kapin 44,000 ka mga indibidwal ang apektado.

Suno kay Nicor, ginaproblemahan sini kun paano ma-utilize ang budget amo nga nagapangayo ini sang pag-intindi sa mga pumuluyo kun pila lang ang mabaton nila nga ayuda.