Amat-amat na nga nagapang-interview ang Department of Social Services and Development (DSSD) sa mga nasunogan sa Bacolod Central Market sang Sabado agud mahatagan sang financial assistance ang mga vendors.
Sa interview sang Bombo Radyo kay DSSD head Alma Gustilo, nakabase sa masterlist nga ginhatag sang market supervisor ang pag-interview sa mga vendors.
Ang totally damaged stall ang makabaton sang P15,000 nga cash assistance, P10,000 ang mabaton sang partially damaged stall samtang ang iban naman nga indi makabaligya bangod sa sunog ang posible makabaton man depende sa assessment sang social worker.
Sa initial nga impormasyon, 18 ang totally burned nga stall samtang 13 naman ang partially burned kag ang ayuda ang ipaagi sa bayad agad program.
