Ginakabig sang Department of Education (DepEd) division of Negros Occidental nga learnig loss ang pagpatuman sang Alternative Learning Modalities sa mga estudyante.
Sa interview sang Bombo Radyo Bacolod kay Ian Arnold Arnaez, public information officer sang DepEd Negros Occidental, majority sa probinsya sang Negros Occidental ang nagkansela sang klase bangod sa malain nga panahon.
Suno diri, may yara na sang existing learning contingency plan ang mga buluthuan para sa ginalauman nga pag-inulan.
Ginahatagan ang mga kabataan sang mga modules pananglitan nga may yara sang suspension sang klase.
Apang, ini ang ginakabig nga learning loss bangod nga mas madamo sang matun-an ang bata sa sulod sang buluthuan sangsa nga sila ang ginahatagan lang sang modules.
Dugang pa gid nga rason sa pagpatuman sang Alternative Learning Modalities amo nga ginagamit ang mga buluthuan bilang evacuation centers.
Panugyan sini sa mga estudyante nga tun-an ang mga modules kag himuon ang mga activities nga ginapadala sang eskwelahan.
