Ginaproseso na sang Bacolod City Government ang paghatag sang libre nga school supplies sa mga estudyante sang Negros Occidental High School nga residente sang Bacolod City.
Sa interview sang Bombo Radyo Bacolod kay Bacolod City Administrator Atty. Mark Steven Mayo, gina-estoryahan pa kag gina-finalize ang mangin unod sang sling bag nga ipanghatag.
Suno kay Mayo, sa ila nga ihibalo, ini ang una nga kahigayunan nga may estudyante sang NOHS nga makabaton sang libre nga school supplies.
Gin-emphasize man ni Mayo nga ang pondo nga gingamit sa procurement ang indi halin sa Special Education Fund (SEF) bangud ang nasambit nga pondo ang para lamang sa DepEd Division of Bacolod City.
Suno diri, kun may available lamang nga pondo magapadayon ang Bacolod City Government sa pagpanagtag sang libre nga school supplies sa mga Bacolodnon nga estudyante sang NOHS.
Santo sa nabatun sini nga figures may yara sang masobra 9,000 ka mga estudyante ang yara sa NOHS nga residente sang ciudad.
