Mangin amat-amat na ang paghatag sang benepisyo para sa mga centenarians sa ciudad sang Bacolod.
Kahapon, napasar na sa third and final reading sa sesyon sang Sangguniang Panlungsod sang Bacolod ang ordinansa nga ginduso ni Councilor Archie Baribar nga himuon nga ladderized ang paghatag sang P100,000 cash incentives sa mga naga-edad sang isa ka gatos katuig.
Sa idalom sang nasambit nga ordinansa, ang isa ka Bacoleño nga maga-edad sang 80 ang sarang na makabaton sang P10,000 kag dugang nga P10,000 kun mag-edad ini sang 90, tagsa ka tuig.
Mabaton sang mga ini ang dugang nga P80,000 kun maglab-ot na sila sang isa ka gatos.
Suno kay Baribar, mangin epektibo ang ordinansa sa Enero 2020.
Ginabanta nga nagadangat sa 6,000 ang mga Bacoleño nga naga-edad sa karun sang 80-90 anyos.
Kuhaon naman sa General Fund sang ciudad ang pondo para diri.
Sa nahibaluan nga ang probinsiya sang Negros Occidental ang may ordinansa nga nagahatag sang P100,000 sa mga centenarians kada tuig.
