Dako ang nabulig sang pamaagi nga paghatag sang reward system sa mga witness ukon makahatag sang impormasyon angot sa krimen nga nagluntad sa ciudad sang Bacolod.
Sa interview sang Bombo Radyo Bacolod kay Bacolod City Police Office Director Police Col. Joeresty Coronica, may tatlo na ka suspek nga napasakaan sang kaso sa tatlo man ka krimen nga nagluntad sa ciudad.
Suno diri, ang tatlo nga napasakaan sang kaso amo ang mga suspek sa tatlo ka shooting incident nga nagluntad.
Apang, madumduman nga sadto sa pagpatay kay Nicus Balagusa sa Brgy Granada, may reward money nga gintanyag nga P50,000 kag ang pamilya ang nagdugang sang P150,000 sa makatudlo sa mga suspek.
Ang maximum nga reward money nga mahatag ang yara sa P50,000 nga gikan kay Bacolod City Mayor Alfredo ‘Albee’ Benitez.
Pahayag ni Coronica, iya ginaklipay nga paagi sa reward system, may yara sang masolbar nga kaso kag mapasabat ang may sala.
