Paghatag sang reward sa mga makatudlo sang suspect sa krimen, epektibo suno sa BCPO director

Ginpahayag ni Bacolod City Police Office Director Police Colonel Joeresty Coronica nga dako ang bulig sang paghatag sang reward system sa pagsolbar sang krimen sa ciudad.

Suno kay Coronica, may tatlo na ka persona nga napasakaan sang kaso nga murder bangod sa ginhatag nga impormasyon sang mga witness.

Nakita sini nga kalabanan sa mga witness ang nahadlok magpalapit sa mga kapulisan agud isugid ang natabo apang bangod sa reward system nga gikan kay Bacolod City Mayor Alfredo ‘Albee’ Benitez mas nagakooperara na ang mga tawo.

Pahayag ni Coronica, ang reward system ang nangin epektibo bangod madamo na sang nagahatag sang impormasyon agud masolbar ang krimen kag mahatagan sang hustisya ang mga biktima.