Halos naubos na sang Bacolod Environment & Natural Resources Office (BENRO) pamalos ang mga election campaign materials sa ciudad sang Bacolod magluwas nalang ang mga nakasab-it sa poste.
Sa interview sang Bombo Radyo Bacolod kay BENRO Head Ma. Fe Tresfuentes, ang mga major thorougfares ang napangpalusan na sang mga campain materials.
Suno kay Tresfuentes, nagcoordinate na sila sa Department of the Interior and Local Government-Bacolod agud nga maabisuhan ang mga barangay sa ciudad sang Bacolod nga amat amat na kakas ang mga campaign materials sa ila barangay.
Sa karun madamo na ang mga barangay nga nagpanguna sa pagpangpalos sang mga posters kag pila diri ang Barangay Granada, Barangay Felisa, Barangay 32 kag madamo nga iban pa.
May mga kandidato man nga nagpadala sang ila nga mga personnel agud nga magpangpalos sang campaign posters.
Plano sang ciudad nga tipunon ang mga napangpalos nga mga mahi ukon wala sang gisi nga tarpaulines agud himuon nga eco bags santo man sa mando ni Bacolod City Mayor Alfredo Benitez.
Sa pihak nga bahin may yara man sang backlog ang garbage collection bangud nagboto man ang mga paleros kag mga garbage truck operators sang nakaligad nga Mayo 12, apang sa karun nakuha naman ini kag mismo sila sa Benro ang nagalibot agud matumod ang mga lugar nga wala pa nakuha ang mga basura.
