Mas ginpahugtan pa sang Philippine Institute of Volcanology and Seismology (PHIVOLCS) ang pagbantay sa Bulkan Kanlaon kasunod sa nagluntad nga minor explosive eruption sang Pebrero 6.
Suno kay PHIVOLCS Director Teresito Bacolcol, sang tinlikdan nga apat ka adlaw wala sang ash emission nga narekord sa bulkan apang kasunod sini may yara sang pagsaka kag pagnubo sa nagarekord nga volcanic earthquake, volcanic tremors kag pagbuga sang sulfur dioxide sang bulkan.
Suno diri, kun may yara sang pagsaka kag pagnubo balantayan ang sitwasyon sini bangod posible may yara sang nagasupon sa baba sang bulkan kun sa diin ini makatuga sang pressure sa sulod kag magaresulta sa volcanic eruption.
Nanotisyaran man sa karun nga may paghabok sang duta sa eastern side nga patimaan nga nagasaka ang magma.
Pahayag ni Bacolcol, kun matigayon nga mag-erupt ang bulkan, ang sunod sini amo ang iya pagkalma.
