Gin-athag sang District Engineer sang Bacolod City Engineering District nga ang diversion channel sa Reclaimation, Bacolod City ang ginasupervise pa sang Department of Public Works and Highways (DPWH)-Regional Office 6.
Sa interview sang Bombo Radyo Bacolod kay Engineer Leah Jamero, ang proyekto sa idalom sa gihapon sang DPWH-6.
Suno kay Jamero, nagapadayon ang trabaho sa diversion channel samtang ginahulat pa ang pag-abot sang flap gate kag sang sluice gate nga i-install didto.
Suno diri, ang ginatutukan sa karun sang workers ang pagbutang sang inlet sa Mambuloc creek.
Nagacoordinate man sila sa SM kag Manokan Country agud nga maubra ang gwaan sang tubig gikan sa drainage sang duha ka establishments kag direkta nga magailig ang tubig sa Mambuloc creek.
Suno kay Jamero nadelay ang pagtapos sang diversion channel bangud sa suspension.
Ang original date nga matapos ang nasambit nga proyekto amo sang July 2024.
