Para sa secretary general sang Alliance of Concerned Teachers – Negros Occidental delikado ang ginapropose ni Senator Robin Padilla nga kakson ang criminal liability exemptions para sa mga kabataan nga naga-edad sang 10 tubtob 17 anyos nga nagkomiter sang krimen.
Sa interview sang Bombo Radyo Bacolod kay Grace Abellar, may yara sang child protection law kag nasulod diri ang pagprotekta sa mga kabataan nga naga-edad sang 18 papanaog.
Suno diri, apisar nga madamo sang naga-agree kaangay na lamang nga may biktima kag indi makalagas sa suspek bangod bata pa ini.
Suno kay Abellar ang bata nakahibalo sang sala kag insakto apang sa manubo nga lebel lamang.
Para sa iya imbes ng panuboon ang edad sa accountabilty sang bata nga nakahimo sang krimen, mas maayo nga pabaskogon ang proteksyon sa bata nga indi ini makahimo sang krimen kaangay na lamang nga ipabatyag sa bata ang pagpalangga, pag-atipan kag pagsalig sa iya.
Ini suno kay Abellar nga maayo nga mabatyagan sang bata sangsa lantawon sila nga kriminal.
SAMTANG…Ginatugyan na lamang sang director sang Bacolod City Police Office sa gobyerno ang pagtoon sa ginapropose ni Senator Robin Padilla nga kakson ang criminal liability exemptions para sa mga kabataan nga naga-edad sang 10 tubtob 17 anyos.
Sa interview sang Bombo Radyo Bacolod kay Police Col Joeresty Coronica, indi ini makahambal kun pabor siya ukon indi sa proposal sang senador.
Suno diri, sa ciudad sang Bacolod indi pa man gid tama ka dako ang problema sa mga menor nga involved sa mga krimen.
Apang, suno kay Coronica, may yara gid man sang nagakatabo nga krimen nga involved ang minors apang sila mismo nakahibalo na sang konsekwensya sang ila ginhimo.
