Pagkakasakatuparan ng kasunduan DEFA o Digital Economy Framework ng ASEAN, ipinagmalaki ng DTI
-- ADVERTISEMENT --

Ginpabugal sang Department of Trade and Industry nga madinalag-on nila nga ginpangunahan ang ASEAN Economic Community Council subong nga tuig 2026 ASEAN Summits.

Sa ginpatigayon nga press briefing, ginhinambit ni DTI Sec. Ma. Cristina Roque ang natuman nga kasugtanan nga DEFA ukon ang ASEAN Digital Economy Framework Agreement.

Suno sa tiglikom, ini ang labing-una nga ‘region wide economy agreement’ sa kalibutan nga makabig nga makasaysayan sang dalayon nga mapatuman ini sang ginpirmahan sang mga member states.

Makabulig ang nasambit nga kasugtanan sa bwas damlag sang ‘digital economy’ ilabi na sa mga member state sang ASEAN.

Ginpabugal man sang tiglikom nga magluwas sa benepisyo sa rehiyon, may positibo ini nga epekto sa world digital economy.

-- ADVERTISEMENT --

Paagi sa bag-o nga kasugtanan, ginalauman nga makadihon sang integrated digital economy nga makahatag sang benepisyo sa masobra sa 600 ka mga tawo sa ginabanta nga 1 trillion US Dollars nga ‘economic value’ kag posible nga mag-doble sa tuig 2030.

Dugang pa sini nga makabulig man ang ‘digital economy framework’ agud nga mapadasig ang trading sang mga negosyo sa nagkalain-lain nga bahin sang rehiyon.

Ang efficient nga ‘digital transactions’, information protection, pagpasanyog sang cyber-security batok sa cyber threats, online scams kag digital risks, kaupod sa pagpasanyog sang ‘artificial intelligence’ kag iban pa.