Dako nga kawala para sa Negros Oriental ang pagkamatay ni Governor Roel Degamo santo sa isa sa mga nabuligan sini.
Suno kay Alyas Celia, residente sa Barangay San Isidro, Pamplona, Negros Oriental, tuman ka mabinuligon ang nasambitan nga gobernador kag halos tanan nga nagapangayo diri sang bulig ang iya gid ginatinguhaan nga mabuligan.
Kaangay sa iya kun sa diin ang gobernador ang nagbulig sa pagbayad sini sa bill sa ospital sang siya ang magbata sa iya nga agot.
Dugang pa sini nga nahatagan man ni Governor Degamo sang educational assistance ang pag-eskwela sa kolehiyo sang iya nga kabataan.
Suno kay Celia may ara man sang mga medical mission ang gobernador nga dako nga bulig para sa mga pumuluyo.
Indi lamang mahimo ni Governor Degamo ang pagbatun sang bisita kada Sabado kun siya ang may importante nga ginalaktan.
Suno kay Celia, humalin sang magsaylo ang pamilya Degamo sa Barangay San Isidro kapin duha na ka tuig ang nakaligad, ginabuhat na sang mga ini ang pagbulig kada Sabado, bangod sa weekdays ini ang yara sa kapitolyo.
Madamo man sang nagapadulong sa balay sang gobernador gikan pa sa nagkalainlain nga banwa kag syudad sa probinsya.
Paathag sini nga Sabado lamang nagabatun sang bisita ang gobernador bangod gin-ayo sini nga siya ang magapahuway kun Domingo apang sa karun, ini ang dalayun nagid nga magapahuway.
Nagapalab-ot ini sang pagpakig-unong sa pamilya Degamo kag nagalaom man ini nga mahatagan sang hustisya ang pagpatay sa gobernador.
