Wala sang foul play nga nakita sa pagkamatay sang 44 anyos nga pastor sa sulod sang lodging house sa Purok Bonifacio, Barangay 3, Himamaylan City kadungan sang Valentine’s Day, Pebrero 14.
Ang biktima ang ginkilala nga si Edilito Valiente, 44 anyos, residente sa Purok 6, Barangay Talubangi, Kabankalan City.
Santo sa inisyal nga imbestigasyon sang Himamaylan City Police Station, ang biktima ang nagapangita sang vulcanizing shop samtang sakay sa iya motorsiklo sang ini ang nagpadulong sa nasambit nga lodging house.
Pahayag sini sa caretaker nga luyag niya nga magcheck in bangod nagalain ang iya nga pamatyag agud nga ini ang makapahuway.
Apang sang magsulod ang caretaker sa kwarto agud kuntani magdul-ong sang towel, nasapwan na lamang sini nga nagahamyangon sa salog ang biktima.
Gilayon naman ini nga ginhingagaw dala sa Governor Valeriano M. Gatuslao Hospital sa syudad sang Himamaylan, apang ini ang gindeklarar nga dead on arrival.
Santo sa pahayag sang pamilya sang biktima sa mga kapulisan, nagalain na ang pamatyag sang pastor antes paman magbiya sa ila puluy-an apang nag-insister ini nga maglakat.
