Ginaubra na sang Bacolod City Government ang mga drainages sa ciudad agud nga masolusyunan ang mga problema sa pagbaha.
Suno kay Bacolod City Mayor Greg Gasataya, nagaapelar ini sa tanan nga mga Bacolodnon nga mangin responsable sa paghaboy sang mga basura bangud bisan ano kadamo sang drainages magabaha gihapon kun mapuno sang basura.
Suno kay Gasataya, ginpatapos ang process sang procedure sang dredging kun sa diin una sila nga magapatigayon sini sa bahin sang Mandalagan, Bacolod City.
Ini ang patigayunon sang City Engineers Office.
Suno diri, isa man sa proyekto ang pagconnect sang drainage sang Pope John Paul para makagwa ang tubig kag isa pa diri ang pagbutang man sang inlet sa drainage sang reclamation area agud nga makagwa man ang tubig.
Nahibaluan nga ang reclamation area ang gamay lang nga pagbubo sang ulan ang ginabaha bangud wala sang gwaan ang tubig.
