Ginpahayag sang abugado sa ciudad sang Bacolod nga wala na sang pulos pa ang pagkwestyon sang legalidad sang pagserbe sang warrant of arrest kay anay President Rodrigo Duterte bangud nadala na sa The Hague ang anay presidente.
Suno kay Atty Jomax Ortiz, wala naman sang pulos ang mga ginfile nga mga petition nanday Senator Bato Dela Rosa kag Kitty Duterte ang wala na sang kapuslanan kun sa English nga pulong ini ang moot and academic na bangud wala na sang jurisdiction ang Korte Suprema bangud nadala na sa The Hague, Netherlands ang anay presidente.
Suno diri kun luyag kwestyunon ang legality sang warrant of arrest mahimo na ini sa pre-trial chamber.
Suno pa diri wala na sang mahimo ang Pilipinas bangud ang anay presidente ang yara na sa Netherlands.
Dugang pang dapat atubangon nalang ang kamatuoran nga ang anay president ang mapriso sa The Hague kag ini ang magaatubang sa Trial kag kinahanglan nga maghire sang International Lawyer nga eksperto sa International Law ilabi na sa Crimes against Humanity.
Indi naman sa karun makaintervene ang Korte Suprema sang Pilipinas kag mapabalik sa pungsod ang anay presidente bangud ang jurisdiction ang nasaylo na sa ICC.
